Det er med sorg at vi har motteke meldinga om at Mellvin Arvid Steinsvoll gjekk bort 1.11.24, 81 år gamal. Steinsvoll var ein engasjert politikar som gjennom fleire tiår har lagt ned eit imponerande arbeid for fellesskapet og for fylket vårt, både som lokal- og fylkespolitikar.
Lista over Mellvin Steinsvoll sine fylkeskommunale verv er lang. Han jobba mykje for dei eldre sine rettar, og var medlem av eldrerådet frå 2007 til 2011 og igjen frå 2015 til 2023. Etter sist fylkestingsval vart han på nytt valt inn som medlem i eldrerådet, då for perioden 2023-2027.
Steinsvoll starta i fylkestinget i 1984. Han var medlem av fylkestinget frå 1984 til 1991 og igjen frå 2015 til 2023, og varamedlem frå 2011 til 2015. Han var også aktiv i kontrollutvalet, der han var medlem frå 2015 til 2022 og varamedlem frå 2011 til 2015.
Han var óg opptatt av utdanning og yrkesopplæring, og leia yrkesopplæringsnemnda frå 2003 til 2007.
I år er det 40 år sidan Mellvin Steinsvoll gjekk inn i fylkespolitikken. Han vil bli hugsa som ein politikar som alltid sette dei eldre sine rettar høgt, og som arbeidde for å betre deira vilkår.
Eg vil uttrykke djup anerkjenning og respekt for det store arbeidet han har lagt ned som folkevalt i Møre og Romsdal.
Våre tankar går til familien og dei næraste i denne tunge tida. Fred over hans minne.
