Møre og Romsdal er landets største ferjefylke med 24 ferjestrekningar, som i realiteten er landets dyraste bompengar.

Med bakgrunn i at vi alt har ei betydeleg belastning med dei dyre ferjene, vert det totalt uaktuelt at vårt næringsliv og innbyggjarane skal betale bompengar gjennom bypakkar og vegsystem inn mot byane.

Frå før bygg vi vegar og skal byggje fleire store prosjekt her i fylket heilt utan bompengar. Dette har vi i FrP klart å presse igjennom i regjering, og no står arbeidet framføre oss til å få fjerna planane om bompengar på fleire prosjekt.

– Bypakkane som gedigne bompengepakkar skal stoppast.

Uansett om Høgre, KrF og Venstre gjerne ynskjer bompengar mot folk og næringslivet si vilje, har vi i FrP tenkt å kjempe innad i regjeringa og på Stortinget for å kunne stoppe desse bypakkane, og byggje både Lerstadvegen og Lønset-Hjelset utan bompengar.

Eit svært viktig og reelt argument for dette, er at vi alt har for sterk kostnadsbelastning gjennom ferjebetalinga på våre fylkes- og riksvegar.

Så burde folk flest forstå at ei stemme til Ap, Sp, SV og MDG, er enda meir og høgare ferjekostnadar, samt haugevis med bompengar.

Ikkje eit bompengeprosjekt har desse partia stemt imot, og dei er ansvarlege for planane om bypakkar både i Ålesund, Molde og Kristiansund.

Sp her i fylket snakkar varmt om ferjene og ropar om lågare ferjekostnadar, men vi har prenta fast i minnet Sp og Liv Signe Navarsete som i regjering pressa alle riksvegane og ferjene over frå staten til fylka, utan å kompensere dette økonomisk.

– Sp seier ein ting, og gjer noko heilt anna i posisjon!

Det er kun FrP som parti her i Møre og Romsdal som har klart å gjere ein forskjell ang bompengar, og klart å stoppe denne usosiale ekstraskatten som bompengar faktisk er!