Veljarane vil ikkje ha meir av skattane, avgifter og politikken til Sp og Lied, kvifor skulle liksom FrP og Høgre ynskje meir av Sp i praksis?
Kraftige kutt i ferjedrifta, fjerna ferjeavgangar til øysamfunn og kutta kraftig i vidaregåande skular samtidig som administrasjonen eser ut på fylkeshuset.
Dette er «medisinen» eller rettare sagt Sp og Ap i praksis dette fylket ikkje trenger meir av.
1. kandidaten i Sp, Per Ivar Lied vil «skifte side» i politikken. Han er lei av alle skattane og avgiftene Ap har innført i regjering.
Eg stilte finansminister og partileder i Sp Trygve Slagsvold Vedum skriftleg spørsmål om dette, kven som hadde ansvaret.
Svaret frå Vedum var klart og tydeleg, det var han som finansminister som hadde ansvaret i regjeringa for skattar og avgifter.
Så her vart 1 kandidaten til Sp her i fylket regelrett avkledd av sin eigen partileiar!
Så kva lavmål er det såleis Per Ivar Lied forsøket?
Greit nokk å vere «hestehandlar» men kven forsøker han å lure?
Det å forsøke å regelrett snakke usant om sin regjeringspartner for å skifte side, kan umulig gå upåakta hen i den raud-grøne regjeringa.
Per Ivar Lied har også vore politisk rådgjevar i den samme regjeringa for Sp.
Sp her i fylket er og blir Sp, det verste partiet for både distrikta og næringslivet med sin vanvittige skatte og avgiftspolitikk, kutt i viktig ferjetilbod og kutt i Vidaregåande skular.
Skifte side i politikken?
Kvifor skulle den borgarlege sida med FrP og Høgre stå der med opne armar og tiljuble eit parti som fører ein politikk som raserer fylket?
Nei takk, vi har evindeleg nok av feil medisin frå Sp og Ap, som også i fylket rundt køyrer kommunene i grus.
FrP og Høgre har nok av andre borgarlege parti og lister å kunne samarbeide med, fordi for oss er politikken viktigast, og ikkje slik Per Ivar Lied i Sp er opptatt av, godt betalte posisjonar.
FrP vil bruke pengane i fylkeskommunen til dei viktige områda innan ferjedrift, samferdsel og vidaregåande skular, og rasjonalisere drifta i ein overfylt og overadministrert fylkesadministrasjon på fylkeshuset.
Det vil ta tid å «rydde opp» etter Sp og Ap, men dette klarer FrP og Høgre i godt samarbeid vil eg tru.
Godt valg!
