Svaret på det må vere eit rungande NEI!

«Dei andre partia utanom FrP, må snart forstå at nok er nok av denne iveren til å teppelegge vårt område med bompengar».

I Ålesund planlegg ein å gå aldeles «bananas» med bompengar, som skal finansiere store delar av ein gigantbypakke på heile 6,7 milliard kr. Ja, du høyrde rett, «6,7 milliard kroner». Trudde eg skulle dette av stolen, når eg såg dette, med historien der Ålesund fekk nei frå regjeringa til bypakke på 4,3 milliard kr, ja til ny plan på 3 og no kjem altså dette?

Dyr bypakke er planlagt med haugevis av bompengar også i Molde og Kristiansund, og dertil bomengesnitt i andre prosjekt inn mot byane. Bompengar blir planlagt både over fjell og gjennom bygd, heilt utan å fatte kva negative konsekvensar dette kan få.

Eg tru jammen det er nokon som har gløymt at politikarane skal gjere folk flest sitt liv bedre, ikkje frarøve pengane frå folket gjennom bompengar på bompengar heilt utan magemål. Statens vegvesen er flinke retorikarar, og legg gjerne fram «glansbilder» av såkalla «låge» takstar i bompengeprosjekt.

Realiteten er at slår ein ihop bompengeplanane frå til dømes Ålesund til Molde vidare gjennom fylket mot Trøndelag, blir dette høgdramatisk for lommeboka for folk flest og næringslivet. Det ser dessverre ut til at alle vegprosjekt skal løysast gjennom bompengar i hopetall. FrP kjempar, og kjem til å kjempe kvar ein einaste dag imot dette. Vi kjem til å bruke alle våre muligheiter til å bekjempe «bompengehysteriet» her i fylket.

Bompengar på fjordkryssingsprosjekt med måte, kan aksepterast. Alternativet er bompengar til evig tid gjennom ferjebiletten som aukar og aukar. Derimot vert det ikkje aktuelt å sjå på, at bompengar «esar ut» i bypakkar og andre vegsystem overalt her i fylket.

«Nok er nok, hald dokke vekk frå lommeboka til folk flest og næringslivet.