Kva meiner egentlig Sp ang. Møreaksen, flytebruer og Romsdalsaksen?

Fyrstekandidat Kristin Sørheim er som vanleg klar på at flytebru og Romsdalsaksen skal utgreiast. Ho er både truverdig og er å stole på, men kva med dei to karane på 2 og 3 plass på Sp-lista?

Det er vide kjent at Geir Inge Lien og Jan Ove Tryggestad er solide fotsoldatar til Torgeir Dahl i det meste. Dei begge er ihuga Møreaksen tilhengarar, og spretter raskt opp og støttar Torgeir Dahl og miljøet ikring han i alle saker straks han seier «hopp».

Tryggestad som leiar av det såkalla Sunnmøre regionråd, har stort sett engasjert seg i alt anna enn Sunnmørssaker, og har vore ein meget sterk forkjempar for Møreaksen, og gong på gong grundig avvist alle mulige utgreiingar av flytebruer og Romsdalsaksen. Geir Inge Lien på same viser, ihuga Møreaksen tilhengar, og «diltar» etter Torgeir Dahl i Romsdal regionråd i alle saker, også dei Sp er imot. I tillegg er ordførar i Fræna fylkesleiar i Sp, og kva ho meiner om saka er mildt sagt uklart.

Dobbelt eller trippelkommunikasjon er Sp sitt varemerke, men kanskje dykk innbyggjarar burde få vite kva dei ulike partia eigentleg står for?

FrP ynskjer flytebru og Romsdalsaksen utgreid, samt styrka fergekapasitet over Romsdalsfjorden ved enda ei ferje på plass og styrka dag og natttilbod. Dette er tydeleg og klart forankra frå alle våre kandidatar. Slik det ser ut no, kan det bli eit solid fleirtal i det nye fylkestinget for dette, men då må Sp vere klokkeklar på kva dei eigentleg meiner om saka.

– Kven styrer i realiteten politikken i Sp; Sørheim, eller Lien/Tryggestad?

«Flytebru/Romsdalsaksen, ekstra ferjekapasitet, eller Møreaksen, det er spørsmålet».