«At Romsdalsaksen sine talsmenn ikkje får lov av Statens vegvesen til å møte transportkomiteen, er direkte forkastelig»

Skulle ikkje tru at vi skulle oppleve at den Norske stat sin transportetat Statens vegvesen, skulle bruke slike simple midlar, for å forsøke å «kneble» folket og eit folkeleg engasjement om saka ang kryssing av Romsdalsfjorden.

I vårt politiske og folkevalgte system, er openheit og folkeleg forankring eit av dei grunnleggjande prinsippa.

Når vi har ei sak slik som kryssing av Romsdalsfjorden, der fleire titals av folket sine milliardar av kr skal nyttast, er det jaggu på sin plass at både folkevalgte og ikkje minst Statens vegvesen opnar opp for kommunikasjon med folkelege engasjement.

Møre og Romsdal FrP har vedteke den 3. februar 2019 i sitt årsmøte, at flytebruer skal utgreiast på både Møreaksen og Romsdalsaksen.

Vi kjem ilag med dei andre regjeringspartia til å arbeide aktivt i tida som kjem, for at heile vegstrekninga Ålesund–Molde, vert ført over til Nye Veier AS. Dette selskapet bygger sine prosjekt, smartare, billigare, tryggare og med ny miljøteknologi, og kan byggje strekninga meir samanhengande.

Berre til no ser det ut til at Nye Veier AS byggjer sine prosjekt heile 20 % billegare en Statens vegvesen.

Vi legg til grunn at Nye Veier AS er opne for alle innspel ang vegprosjekta på denne strekninga frå alle partar, dersom dei får ansvaret for å byggje dette.

Dessverre ser det altså ut til at vårt eige Statens vegvesen, ikkje er istand til å forholde seg til god kommunikasjon med eit folkeleg engasjement i vegbyggingssaker.

Til dette er det rett og slett berre å seie, «Skjerp dokke».