Det må vere fasiten, etter det Falk Daniel Øveraas frå Høgre framfører i eit innlegg, der miljøkampen blant ungdom er så viktig.

«Dersom klimakampen blant ungdom verkeleg er så viktig i Høgre, kvifor i alle dagar støttar Øveraas sitt Høgre her i fylket fortsatt giftdeponi på Raudsand»?

«Dersom klimakampen blant ungdom verkeleg er så viktig i Høgre, kvifor i alle dagar støttar Øveraas sitt Høgre her i fylket, utbygging av ein undersjøisk tunell på 16 km, 400 m under sjøen på Møreaksen»?

Den gigantundersjøiske tunellen på Møreaksen, medfører eit CO2 utslepp for 240 vogntog, med heile 2232 tonn utslepp. Med veg i dagen på flytebru, er utsleppet 517 tonn utslepp, og med nullutslippsferjer over fjorden 0 utslepp.

Med dette som soleklart grunnlag, burde definitivt Falk Daniel Øveraas i Høgre og alle andre ungdommar her i fylket, forlange at klimamålet i regjeringserklæringa vert fulgt opp, og flytebruer eller nullutslippsferjer vert valgt i framtida. Dette framfor forureinanande klimaverstingar slik som undersjøiske tunellar faktisk er.

Enda verre vert det når det einaste partiet her i fylket er Høgre, som støttar fortsatt giftdeponi på Rausand. «Dette står i grell kontrast til unge Høgre og Falk Daniel Øveraas , sin rørande klimafokus»

Heldigvis klubba vår statsminister ned unge Høgre i sitt eige landsmøte, forslaget om forbud mot diesel og bensinbiler frå 2025.  – flott at Høgre har Erna!

Så registrerer vi i FrP her i fylket, Høgre sin iver etter å stemme ilag med AP i sak etter sak, samt leggje «forsvarande handa» over AP representantar som ikkje klarar å forsvare seg sjølve.

Eg oppfattar innlegget frå Falk Daniel Øveraas frå Høgre slik, «at er ein ung kan ein seie det ein vil, medan «voksne» ikkje såleis kan svare». Det er nok denne taktikken som er forsøkt her, og tydeligvis garantert med godkjennelse frå fylkesleiinga i Høgre. Vi er nok vande med ei «belærende tone» frå Høgre, det er ikkje noko nytt.

Så får Falk Daniel Øveraas i Høgre, berre fortsette å hamre laus på underteikna og FrP. Eg ser forresten at FrP opptek den karen her også i andre samanhengar.

Dette får vi berre leve med framover i valgkampen, og «kva skal ein med fiendar, når ein har slike vennar»