«Firefelts motorveg gjennom noko av Norges vakraste byområder i Molde, er så gedigent talentlaust og haudelaust, at det er vanskeleg å forstå».

I område etter område i samanheng med gigantprosjektet Møreaksen, kjem saker fram der store delar av befolkninga og næringslivet er imot planane som vert lansert.

Ikkje nok med at eit større fleirtal heller vil ha fortsatt ferjer eller Romsdalsaksen over Romsdalsfjorden, er det også no ein betydeleg kamp og engasjement for å stoppe firefelts motorveg inn mot Molde. Betydelige mengder med bompengar er planlagt også i bypakke Molde, ein bypakke som også her vil bli avkrevd betydelige eigenandelar, som sjølvsagt fører til at denne bompengepakken berre kan skrinleggjast umiddelbart.

Det er for oss som bur i Molde og rundt omkring i resten av fylket, ei stor gåte å forstå kvifor enkelte politikarar i Molde ynskjer E-39 rett igjennom byen, 8 rundkøyringar og rasering av byområda med gedigne vegprosjekt.

Kvifor er dette nødvendig?

Ingen andre stadar her til lands, planlegger ein på denne måten. «Er det slik at enkelte framtredende politikarar snart har tenkt å begynner å bruke litt «topplokket» lytte til innbyggjarane og ikkje berre dure fram utan å sjå anna enn sitt eige speilbilde»

Vi som politikarar må aldri gløyme kvifor vi er politikarar. Vi er dette på vegner av innbyggjarane, då vert det aldeles openbart for oss at innbyggjarane må lyttast til. Klarer ein ikkje å tenkje anna ein firefelts veg og rasere store delar av indrefileten i Molde, kan ein like godt la vere.

Det same gjelder E-39 gjennom Molde, eg trur dei fleste her i fylket begynner å forstå konsekvensane av dette, og no begynner ein å forstå dette også i Molde. Men, innbyggjarane kan ta grep den 9. september, og seie klart ifrå kva ein ynskjer.

FrP ynskjer overhode ikkje å rasere dei fine byområda i Molde med gigantvegar. Vi ynskjer heller ikkje å oversjå innbyggjarane sine meiningar, derfor ynskjer vi også å utgreie flytebru og Romsdalsaksen, og seier klart nei til milliardar av kr i bompengar.