fbpx
Annonse
Annonse
Foto: Vidar Ruud / NTB
Foto: Vidar Ruud / NTB
Dette er et debattinnlegg. Innholdet gir uttrykk for skribentens meninger og holdning.

Eg heiter Dordi, er 18 år og medlem i Senterpartiet. Stadig får eg spørsmål om kvifor eg gidd å engasjere meg. Og av og til må eg innrømme at eg lurer eg på det same: Prosessar som bokstaveleg tala tek hundre år, langdryge møter, tusenvis av sider med sakspapir og daglege dosar med sjikane. Kvifor i alle dagar orkar eg då å engasjere meg?

Då eg var yngre budde eg på eit småbruk. Far min har vore bonde på denne garden i 40 år. Kvar dag, anten det er onsdag, eller søndag, julaftan eller midt i fellesferien; pappa står tidleg opp for å gå ut i fjøset og gje mat og kjærleik til sauene, grisane og hønene våre.

Ein bonde har aldri fri. Ein bonde kan aldri ta seg fri. For det å vere bonde, eller det å vakse opp på gard, det er ikkje berre ein jobb, det er ein livsstil og det er eit familieprosjekt. Bøndene er viktig for å få landet til å gå rundt; dei syt for matforsyning og matberedskap, dei held ved like kulturlandskapet vårt og dei bidreg til å ta jorda i heile landet i bruk. Likevel får bøndene elendig betalt, ja mange lev til og med under fattigdomsgrensa. Kvifor skal ikkje bøndene få betalt for jobben dei gjer?

Det var litt slik Senterpartiet, eller bondepartiet då, vart stifta for 101 år sidan. Den norske bonden er sjølve symbolet på politikken og ideologien vår. For bøndene sin kamp er ikkje berre ein kamp mellom fattige og rike, mellom vanlege folk og eliten, mellom periferi og sentrum. Bøndene viser oss også kor viktig det er å ta vare på jorda vår. Vi kan ikkje selje landet vårt til rike karar i Kina, eller la landet vårt bli styra frå Brüssel. Og bønder, som gjennom generasjonar og århundrer har drive jorda, hogga skogen og passa på dyra, syner oss kor viktig det er å ta vare på naturen, jorda og miljøet vårt. Vi skal ikkje drive rovdrift på naturen, men overlate jorda og garden i betre stand enn det den var då vi tok over.

For Senterpartiet er bondepartiet, og det skal vi vere stolte av. Men vi er også klimapartiet, og eg håpar at vi kan stå like stolte å tala om den gode klimapolitikken vår.

På landsmøtet i Senterpartiet vedtok vi mykje god og sosial klimapolitikk. Mellom anna:

  • Opprette eit klimafond på 10 milliardar
  • Setje mål for klimakutt i offentleg sektor
  • Skape grøne arbeidsplassar i distrikta
  • Bygge 10.000 hurtigladarar i heile landet for elbilar

For meg er Senterpartiet er eit like sjølvsagt klimaparti som eit bondeparti.

Drøymen om eit sterkt landbruk, ein sosial klimapolitikk og ein god distriktspolitikk har diverre vorte knusa med Høgre, Krf, Venstre og støttehjulet Frp i regjering. For i snart åtte år har vi hatt ei regjering som gjer alt det motsette av det Senterpartiet og eg trur på. Som sentraliserer og tek tenestene vekk frå folk, som har svekkja beredskapen, som har skapa utryggheit for folk, som har slått saman kommunar, gjeve mindre pengar til bøndene og skapa mindre tillit i samfunnet.

Attende til spørsmålet i starten: Kvifor gidd eg eigentleg å engasjere meg?

Politikk handlar om å kunne vere med å endre samfunnet til noko betre, og å skape ei framtid til det beste for folk, land og dyr. Eg er senterpartist, fordi eg trur på menneska, eg trur på bonden og eg trur på distrikta. Eg trur på tenester nær folk, beredskap, tryggleik, lokalt sjølvstyre, ein sosial og effektiv klimapolitikk, ein god politikk for industri og næringsliv, færre rovdyr, meir tillit og gode system.

Årets val blir eit skjebneval. Senterpartiet vil få slutt på den massive sentraliseringa til høgreregjeringa. Vi vil ha gode tenester nær folk og skape gode og trygge lokalsamfunn.

Godt val den 13. september!

Du må være logget inn for å kommentere.


Laster kommentar… Kommentaren blir oppdatert etter 00:00.
  • Denne kommentaren er avpublisert.
    Lars Svein Valderhaug · 2 måneder siden
    Ja, Dordi, at Senterpartiet er dagens bondeparti er vel kjent. Men noko typisk miljøparti er det ikkje. Det fekk vi prov på då Senterpartiet støtta miljøverstingen Møreaksen saman med eit anna «miljøparti», Venstre. Så her har du mykje å ta fatt i!
Send oss leserinnlegg eller tips

Tekst, bilder og video til leserinnlegg, artikler og andre tips, kan sendes til tips@ksu.no.

Annonse
Annonse

Tidligere meningsinnlegg

Siste kommentarer

Vidar Hölm 2 dager siden Kickstart og forutsetninger for Havriket
Denne bør alle lese. Er vel bedre begrunnet enn "utredningen" som ble kladdet motvillig i en lunchpause på rådhuset i ...
De siste 11 månedene har Molde og Kristiansund hatt felles fødeavdeling. I den tiden har ingen født underveis til sjukehus ...
Ketil Strand Andersen 3 dager siden Gjenåpne Kristiansund – vi godtar ingenting annet!
Veldig bra innlegg! Der er ikke akseptabelt at man sparer seg til store overskudd, samtidig med at man ikke frister ...
Lars Svein Valderhaug 4 dager siden Kristiansund Sp og aksen
@Lama VikKven svarar du? Eg har ikkje spurt om dette. Du klarer vel å sjå kva som var mi enkle problemstilling? ...
Lama Vik 4 dager siden Kristiansund Sp og aksen
@Lars Svein ValderhaugLars, eg svarer på kvifor SP ikkje arbeider for Romsdalsaksen. Rein, pur og sunn fornuft. Og nei, eg snakkar ikkje ...
Lars Svein Valderhaug 4 dager siden Kristiansund Sp og aksen
@Lama VikKva har dette med mitt innlegg å gjere? Skal du kommentere det, så hald deg til tema! Men ein ting ...
Annonse

Hva skjer

Under finner du en oversikt over arrangement i Kristiansund og omegn. Det er gratis å legge til oppføring i kalenderen.

Trykk her for å legge til arrangement

Trykk her for kalender i litt større format og tilknyttede artikler og annonserte arrangementer.

Annonse

Våre utvalgte