Skal vi tru på fylkesrådmannen sine framlegg, der Statens vegvesen vert brukt som sannhetsvitne ang Nordøyvegen, er nok Møreaksen historie.
Fylkesrådmannen radbrekke sitt eige fylke på eit vis, som ivertfall gjer det totalt umogeleg å kunne sjå føre seg at Møre og Romsdal fylkeskommune, skal vere i stand til å still bankgaranti for Møreaksen på 30–40 milliard kr.
Jau, for det er slik. Fylkeskommunen må stille bankgaranti for eit framtidig riksvegprosjekt over Romsdalsfjorden. – Og alle ser no at det kan en berre gløyme, raskast råd.
Er då flytebruer, Romsdalsaksen eller ferjer einaste alternativet for kryssing av Romsdalsfjorden? Ja, mykje tydar på det.
Fylkesrådmannen viser i ein gjennomgang med visning til STVV at alle prosjekt her i landet vert ca 20 % dyrare frå anbodsutlysing til ferdigstilling. Frå før veit vi at dei fleste prosjekt vert ca 40 % dyrare frå anslag reguleringsplan til ferdigstillelse.
Sjølve fjordkryssinga over Møreaksen er sett til 14,4 milliard kr frå selskapet sjølv. Om dette er meir som "tenk på eit tal" kan mykje tyde på, med bakgrunn i erfaringstall frå anboda på til dømes Rogfast.
Ingen klarer å begripe at tilsvarande tall for Møreaksen ikkje skulle vere gjeldande, og at kostnadane for Møreaksen såleis for sjølve fjordkryssinga må bli godt over 20 milliard kr. Det samme er tilbakemeldingar med spørsmål om realisme frå andre svært tunge fagmiljø rundt omkring i landet.
På Rogfast skal tunellen, firefelts, på 390 m djup, koste ca 17 milliard kr, den er 27 km lang. Omregna til Møreaksen sin 16 km tunell, vil denne bli omlag 10 milliard kr. I tillegg skal det byggjast den tredje lengste brua i Verda over Julsundet, som antageligvis ikkje kjem til å koste ei krone under 10 milliard kr.
Med Guttelvik sine tall ang Nordøyvegen, vil dette som då sjølvsagt også må gjelde for Møreaksen, raskt kome opp i 24 milliard kr berre for fjordkryssinga, dvs minst 20% dyrare. I tillegg kjem sjølvsagt enorme kostnadar på land både sør og nord om sjølve fjordkryssinga. 37 milliard kr som står i NTP, er nok ikkje langt ifrå sanninga.
Så kan en berre "drøyme" om å legge inn "Guttelvik metoden" med nytt busstilbud, store vedlikeholdskostnadar og livsløpskostnad med dertil rehabiliteringskostnadar på mangfoldige milliard kr.
Mange uttalar seg om at Møreaksen ikkje er ei sak for fylkeskommunen, men slik er det altså ikkje. Fylkeshuset og dei som vandrar i gangane der, har ivrig støtta opp om Møreaksen, no trur eg dette prosjektet indirekte har fått, – "to torpedoer midtskips" frå det same fylkeshuset.
Bankgaranti til Møreaksen på fleire titals milliard kr, kan alle berre gløyme snarast råd.
Så får vi berre utrede det mykje billegare alternativet med flytebruer og Romsdalsaksen, og kanskje vert ekstra nullutslipsfartøy/ferjer alternativet som vil presse seg fram over Romsdalsfjorden.
Frank Sve
Fylkesleiar og Gruppeleiar i Møre og Romsdal FrP.
