Spørsmål til samferdselsutvalgsmøte 4. mars 2020

Til Leiar av Samferdselsutvalget og til Samferdselssjef Arild Fuglseth.

Kva er grunnlagt for inntektsramma for ferjedrifta?

I 2019 viser rekneskapet at fylket brukte 401,5 mill kr til ferjedrifta og dette året fekk fylket 416,6 mill kr frå staten i rammeoverføringar.

Med andre ord gjekk fylkesferjedrifta med over 15 mill kr i overskot.

Inntektssystemet til fylkeskommunane er todelt, 60% frå rammeoverføring og 40% frå skatteinntekter.

I 2019 og på same viset er ferjedrifta også i 2020 kun finansiert av rammeoverføringane.

I 2019 stod skatteinntektene til fylkeskommunen for 1 milliard 606 million kr.

I høyringa i Stortinget og frå fleire andre, er det stilt spørsmål kvifor det ikkje er overført midlar til ferjedrifta frå 40% delen av inntektene til fylkeskommunen?

Kvifor får ikkje ferjedrifta overføringar frå skatteinntektene til
fylkeskommunen ?