Kva varer som blir produsert i Molde og Kristiansundsområdet skal til Ålesund – og kva varer som blir produsert i Ålesund skal til Molde?
Eksportvegen og «navlestrengen» til Møre og Romsdal går frå Ålesund E136 til Bjorli og Nordmøre og fra Moldeområdet via Åfarnes–Sølsnes og fv. 64 til Åndalsnes og E136, ut av fylket.
Gløym Møreaksen, bygg Langfjordkryssinga og ny fv. 64 Molde–Åndalsnes som fyrste fjordkryssingsprosjekt i Romsdalsregionen. Seinere kan traseen nord- sør ved Romsdalsaksen koblast på, fyrst ved bygging av flytebru over til Hjelset, seinere fjordkryssinga sørover frå fv. 64 til Sekken og vidare mot Vestnesområdet.
Å tru at ein kan få innarbeidd fleire titals milliardar kr. i eit prosjekt, over tre mil med tunellar, mengder med rundkøyringar, under fjorden 3–400 m, og igjennom Molde by slik Møreaksen galskapen legg opp til, er berre å gløyme fyrst som sist!
Flytebru over Langfjorden, er både praktisk, fornuftig, billig og miljøvennleg.
Torgeir Dahl, kva er realistisk og kva trenger næringslivet i Romsdalsregionen, Eksportvegen Molde–Åndalsnes og fjordkryssingsprosjekt over Langfjorden, eller galskapens akse, Møreaksen?
Alle veit at Møre og Romsdal ikkje får fleire titals milliardar kr i ny NTP.
I gjeldande Nasjonal transportplan frå 2018–2023 ligg det vegprosjekt her i fylket til 4,4 milliard kr, fleire prosjekt i Romsdalen utan at ein meter veg er bygd til no, sjølv med Romsdalingen Helge Orten som leiar av transportkomiteen.
Det er derfor berre realistisk at ny NTP gjeldande for Møre og Romsdal, konsentrerer seg om Eksportvegen E136, Ålesund–Bjorli og prosjekta der som pri nr. 1, samtidig som eksportvegen
Molde–Åndalsnes fv. 64 med Langfjordkryssinga vert prioritert som Riksvegsamband i planen.
Møreaksen øydelegg for Eksportvegen E136 og for realiseringa av samferdselsprosjekta i heile Romsdalen.
FrP kjem til å kreve i forhandlingane med regjeringa at Møreaksen blir fjerna, og at Eksportvegen E136 samt ferjefri eksportveg Molde–Åndalsnes med Langfjordkryssinga vert prioritert i Romsdalen.
Dette som realisering av fyrste del av Romsdalsaksen.
