Neste store fjordkryssingsprosjekt her i fylket er Todalsfjordkryssinga, og erfaringa frå Nordøyvegen syner at sansynlegheita er stor for at prosjektet blir sjølvfinansierande og at ein berre kan gje full gass.

Nordøyvegen går mot ei sluttfase i utbygginga, og mykje tyder på at dette prosjektet faktisk blir sjølvfinansierande og ikkje påfører negativ økonomisk effekt for fylket med ei krone.

Underteikna og Kristin Sørheim har fått mykje tyn i media og av motstandarar av prosjektet dei siste åra, no kan vi to «lene oss tilbake» og berre konstatere at vi har hatt rett så langt.

Todalsfjordkryssinga er eit viktig prosjekt, no støttar fylkesutvalget innstillinga frå Fylkeskommunedirektøren om stø og tydeleg framdrift i prosjektet, der vi legg inn nødvendige planleggingsmidlar årleg framover for regulering og detaljplanlegging.

For meg og FrP er dette ein gledens dag, og ei sak vi har kjempa for lenge. Dokke veit, når eg bit meg fast i bordkanten i ei sak, gjev eg meg ikkje før prosjektet blir realisert.

Eg har «bete meg fast i bordkanten» for Todalsfjordkryssinga, og gjev meg ikkje før prosjektet er i havn.