Krise i fylkeskommunal økonomi, skal reddest ved enda høgare pengebruk.
Gratulerer Ap, Sp og Kristin Sørheim og co, som har tenkt å reparere sin eigen skakkøyrde fylkesøkonomi med enda høgare pengebruk.
No er det næringslivet som skal flåast gjennom havbruksfond og grunnrenteskatt som skal sprøytast inn i fylkesøkonomien.
Når fylkeskommunedirektøren viser eit grunnlag for kommande års budsjett der ein må kutte betydelig i drifta, er det direkte uansvarlig medisin å berre pøse på og tømme kassa med kvar ei einaste tilgjengeleg krone.
Driftsnivået i fylkeskommunen er for høgt, derfor hjelper det no ikkje med anna enn varige kutt i drifta.
Derfor meiner vi i FrP at det er heilt nødvendig å kutte ned på områder i drifta som ikkje er kjerneoppgaver. Prosjekt som er «kjekk å ha» må kuttast.
Til dømes er det uforståeleg at fylkeskommunen skal bruke mange titals mill kr på ei ny ferjekai på Hellesylt og i Geiranger, på ei ferjeruter som ikkje er fylkeskommunal men privat/kommersiell. Samtidig foreslår ein kutt i si eiga ferjedrift, men ynskjer altså å bruke enorme beløp på andre sitt ansvar.
Til dømes brukar ein i 2023 heile 20 mill kr på prosjektet bærekraftig by og tettstedsutvikling. Eit prosjekt der millionane flagrar utan nevneverdige resultat.
Det er 2.500 tilsette i fylkeskommunen og ca. 90 prosent av driftsutgiftene er løn i eit fylkeskommunalt budsjett på over 7 milliard kr.
Derfor må det kuttast i løn og dermed må alle ledd i administrasjonen som ikkje er kjerneproduksjon, setjast under lupa og rasjonaliserast.
Det er ivertfall total meiningslaust å tømme kassa i eit krampemessig forsøke på å opprettholde eit alt for høgt driftsnivå i fylkeskommunen.
Næringslivet burde fått tilbake grunnrenteskatten her i fylket, men Sp og Ap har ikkje forstått at næringslivet i fylket er sterkt pressa.
Møre og Romsdal ligg no på toppen av konkursstatistikken med ein auke i konkursar på heile 67 prosent så langt i år.
Sosialistane i Sp og Ap har ikkje forstått at nokon må skape verdiane før ein kan fordele dette ut til offentlig velferd.
