Hjelper lite å skifte ut Line Hoem med Anders Riise som fylkesordførar, dersom politikken ikkje skiftast ut.
Eit fleirtal av befolkninga her i fylket har slått fast i siste valg at Ap, Sp, SV, MDG og Rødt sin politikk skal skiftast ut.
Eit borgarleg fleirtal må sjølvsagt føre til borgarleg politikk i fylkestinget.
Hjelper lite å skifte personar dersom Ap og co fortsatt skal styre politikken som har ført fylket på full fart utfor stupet dei 12 siste åra.
Når Anders Riise og Torgeir Dahl går til Ap og dei raud/grønd partia for å snart doble bompengane i Ålesund, er dette imot eit borgarleg fleirtal sitt standpunkt.
Det er aldeles greinalaus at det er Anders Riise som fylkesordførar som øydelegg enigheita frå gruppeleiarane i fylket og fylkesutvalget. Samtidig blir enigheita mellom FrP, Høgre og Sunnmørslista i bystyret i Ålesund totalt overkøyrd.
At Høgre sin Torgeir Dahl gjer alt han kan for å øydelegge for Ålesund kjem slett ikkje som ei overrasking.
Når Høgre med Anders Riise i spissen enda ein gong går til Ap og raudingane i ei sak for å sende ei rekning til innbyggjarane og næringslivet med auka ferjetakstar på over 10 mill kr blir spørsmålet, er Anders Riise i det heile til å stole på?
Kva var vitsen med å skifte ut Line Hoem frå Ap som fylkesordførar med Anders Riise, dersom politikken blir den samme?
FrP kjem fortsatt til å ta ansvaret for at fylket skal ha ein borgarleg politikk som rasjonaliserar og prioriterar drifta av fylkeskommunen.
Vi skal ikkje sende lettvint problema og rekninga vidare til folk flest og næringslivet.
Fylket må rydde opp i eigne utfordringar. Det er kun gjennom kraftig rasjonalisering av ein overadministrert fylkesadministrasjon, samt kutt av alt som er kjekt å ha som er fasiten.
Vi skal gjere alt vi kan for at Ap og Sp ikkje får eit komma dei skulle ha sagt i politikken her i fylket.
Det er evinnelig nok med Støre og Vedum si rasering av landet med sine skyhøge skattar og avgifter, skyhøge drivstoff, straum og matvareprisar og ei skyhøg rente.
Vi tar ansvar, men Høgre får begynne å ta seg sammen og ha respekt for andre borgarlege parti sin politikk, og snart forstå at dei ikkje er største partiet her i fylket.
At Høgre og Andres Riise til stadig hopper over i køya til Ap og Sp hjelper ingen, fører kun til enda meir elendigheit som etter resultatet av 12 år med Ap og Sp styre av fylket.
