Dersom ikkje Trollstigen blir fullfinansiert av staten, er dette fyrste rassikringsprosjektet som ikkje blir finansiert slik.
Det har lenge vore eit prinsipp at rassikringsprosjekt vert fullfinansiert av staten og utan bruk av bompengar.
Dei siste tiåra er det mange dømer på dette her i fylket, slik som rv. 70 Oppdølstrandtunellen og fv. 60 Røyr–Hellesylt.
Kvart ei krone av desse to store rassikringsprosjekta vart fullfinansiert av staten. Det siste finansierte rassikringsprosjekt på fylkesveg 60 Røyr–Hellesylt, 1,1 milliard kr vart dekt av rassikringsmidlar frå staten også inklusivt renteutgiftene.
Det har alltid vore slik at fylket forskotterar, og får dekt inn finansieringa over nokre år inkl renteutgifter.
No er akkurat fv. 63 Eidsdal–Geiranger åpna, og vil også om nokre år vere fullfinansiert av rassikringsmidlar som fylket får årlig i budsjettramma frå staten.
Dersom ein no begynner å gje etter og skal liksom ha eit spleiselag der fylket og staten deler på kostnadane for rassikring av Trollstigen, er dette heilt ny praksis.
Dette vil i så fall bety at ein må ta pengar frå andre driftsområder i fylket for å dekke inn dette.
Pengar må då takast frå andre samferdselsområder, veg, buss eller ferjer, eller frå kultur, næring eller skule for å hente midlar til dette.
Det finnast ingen grunn til at staten ikkje fullfinansierar rassikringa av Trollstigen, og det er enda større grunn for dette med bakgrunn i at fv. 63 Trollstigen er NASJONAL TURISTVEG.
Fylkestinget må stå klokkeklart fast på at rassikring av Trollstigen må fullfinansierast av staten, noko anna vil vere eit grovt feilgrep og ei falitt erklæring.
