Tilsvar på leserinnlegg fra Helge Orten, Høyre, den 20. august 2019: Bløff fra Sve.

«Mange titals milliard kr til eit vegprosjekt store delar av fylket sine innbyggjarar ikkje ynskjer, er faktisk noko Høgre bør lytte til».

I neste NTP er det tenkt lagt inn eit område for finansiering av større viktige fylkesvegstrekningar med tydeleg «stamvegfunksjon».

Les også: Møreaksen er for kostbart!

Sparar ein milliardar på til dømes Møreaksen ved å velge fortsatt ferjer, flytebruer eller Romsdalsaksen, ja så fungerar det faktisk slik at midlane blir liggande igjen i vår region.

Vår nestleiar i transportkomitéen Morten Stordalen, har klart og tydeleg sagt at sparar vi midlar i Møre og Romsdal, kan midlane gå til andre prosjekt her i fylket.

Det er då sjølvsagt regjeringa som bestemmer dette, noko eg faktisk trudde Helge Orten også hadde sett seg inn i.

Helge Orten og Høgre er som vanleg «snill og grei» og meiner eg berre bløffar i alt eg foretar meg, sjølvsagt med bakgrunn i at eg gjer den store «forbrytelsen» i å vere ueinig med Orten ang Møreaksen.

Dette lever eg og FrP godt med, og konstaterer at politikken vi driver er noko folk flest her i fylket er einige i, så får nå berre Høgre «krype til sengs» med Ap ser det ut til.

Ei stemme til Høgre, er altså ei stemme til Ap her i fylket.

FrP kjem uansett til å fortsette kampen på vegner av innbyggjarane frå heile fylket – og kreve Romsdalsaksen og flytebruer utgreidd.