Randi Valderhaug Frisvoll i KrF skal fikse ferjedrifta her i fylket. Med støtte frå samferdselsminister Knut Arild Hareide, fylkesordførar Torve og lederen i samferdselsutvalget her i fylket, Kristin Sørheim, skal takstauken fjernast og Autopass skrotast.

Slik ser det ut, etter «vekkelsesmøtet» som Valderhaug og co gjennomførte med Hareide i spissen denne veka.

Det er fantastisk at vi har eit politisk fleirtal her i fylket, med KrF, Venstre, SP, AP og MDG som får den nye samferdselministeren i kne, og som ifølge Randi Valderhaug Frisvoll i KrF, skal ordna opp i dei svindyre ferjetakstane her i fylket.

Forventningene er lagt på plass, opera og andre områder skal finansierast uansett, fortsatt med fylkeskommunale ferjepengar. Staten og Hareide skal altså no «redde» KrF og Valderhaug Frisvoll ut av knipa dei sjølve har satt seg inn i.

Eg reknar då med at Hareide og regjeringa legg på bordet pengane som skal til for å kutte takstane og fjerne negativiteten ikring Autopass umiddelbart.  For fylkesordføraren seier ho trur regjeringa kjem dei til unnsetning.

- Kva var summen igjen?

Er det 150-180mill eller er det som Tove-Lise Torve sist hevda ,260 mill kr som må til? Det er rimeleg merkeleg at ingen av dei som styrer fylket i dag brukar samme talla?

Ikkje rart det er forvirring i talla, det er då den same administrasjonen i fylket som reknar,  dei som til dømes «rekna feil med 1,2 milliard kr i Nordøyvegsaka. 

Eit under

Så, dette tar vi med ei klype salt.

Men eg er imponert over Valderhaug og co, no blir det billige ferjer igjen her i fylket og dette skjer nok svært raskt skal vi tru denne gjengen i fylkesleiinga.

Det er berre å leggje ned protestgruppa mot høge ferjetakstar, då KrF har talt og eit under kjem til å skje.