Svar fra Frank Sve til Erik Kursetgjerdes innlegg «

Les også

Samferdsle-graut med Sve

Erik Kursetgjerde frå Ap viser til at underteikna er ein av dei med lengst fartstid innan samferdselspolitikk her i fylket.

Det har han sikkert rett i, men nødvendig kompetanse på eit så vanskeleg område har aldri vore ein bakdel.

Eg les innlegget frå Kursetgjerde i ca 10 sekund, for å konstatere at han enda ikkje har forstått verken saka som har vore til drøfting, min interpellasjon, eller kva vi i det heile har debattert ang ferjeprisar og Autopass.

Eg skal forsøke igjen:

«Autopass SKAL vi innføre som SYSTEM, dette ligger fast også i ferjekontraktene der Autopass brikke og kort skal nyttast»

Debatten som no går og som også var i fylkestinget som sak før jul, var om - Autopass DIREKTIVET skulle innførast, eller om RIKSREGULATIVET fortsatt skulle bestå.

Erik Kursetgjerde, det har ALDRI vore tema om å ikkje nytte Autopass systemet, då det er avklart med Vegdirektoratet at dette systemet kan brukast både på det nye Autopass direktivet som fører til auke med 32 % for bil og 8-39 % for næringslivet, eller Riksregulativet som vi har brukt fram til no med årleg auke på ca 2,8%.

Har du forstått dette no Erik?

Vi blir IKKJE noko «anneledesfylke» uansett kva som skjer, same Autopassystemet skal innførast over heile landet.

Vi i FrP stemte før jul ilag med Nordmørslista og begge Sunnmørslistene for å skrote Autopassdirektivet og nytte Riksregulativet som før.

Du og Ap derimot måtte for alt i verden nytte det svindyre og greinalause Autopass direktivet, noko absolutt ingen andre av befolkninga eller næringslivet forstår grunnlaget for.

Ut over dette så har eg følgjande utfordring til deg, dersom vi snur på saka, og nyttar dei 150 mill kr som du og Ap vil nytte til Opera, til tunellsikring i staden?

Då brukar vi enda meir til det viktige tunellsikringa slik du argumenterer for, 150 mill kr frå ferjefondet frå salget av Fjord 1 som er kapita og infrastrukturfond som sjølvsagt godt kan nyttast til dette.

Då frigjev ein dei 70 mill kr i form av frie midlane som står på disposisjonsfond som godt kan nyttast til å kutte ferjeprisane!

Ut over dette har eg ikkje tenkt å kommentere ditt innlegg noko meir, men konstanterar at du arbeider «iherdig» for å markedsføre kommunesamanslåing med Sykkylven.