Når fylkesrådmannen feilaktig har krisemaksimere den fylkeskommunale økonomien slik at Vanylven vidaregåande skule samt mengder av andre skuletilbod vart lagt ned, kva etterlønn får lærarane som mista jobben sin i denne samanhengen?

– Får lærarane 900.000 kr i etterlønn?

Neppe, og det blir aldeles greinalaust når det i tillegg vart kutta betydelig innan kollektiv og ferjedrifta samt innføring av Autopass, som sjølvsagt førte til kutt i stillingar også i desse driftsområda, det er forskjell på Jørgen Hattemakar og Kong Salomo, men det får jaggu vere måte på.

Kvifor skal ein i offentlig sektor få betalt slike etterlønn når ein sluttar i si stilling av ulike årsaker? – og enda verre blir det at denne etterlønn ikkje opphøyrer dersom ein får seg nytt arbeide.

Kvifor kan fylkesrådmannen berre kunne gjere akkurat slik han vil, millionane flagrer til saker som skal «reparere» tabber, medan dei styrande politikarane i Sp, Ap, Høgre osv. berre let «humla suse» og kniper augene igjen.

Egentlig ikkje rart, når ein ser kvar mange av desse politikarane faktisk kjem ifrå arbeidsmessig, vert vel vanskeleg å kritisere sine «eigne» eller?

FrP aksepterer ikkje at innbyggjarane sine skattepenger vert sløsa vekk på denne måten, og kjem til å utfordre vidare dei andre politiske partia her i fylket til å faktisk ta ansvar og reagere mot det som skjer i fylkeskommunen.

Dersom fleirtalspartia med Sp, Ap og Høgre kun har tenkt å vere arbeidsgjevarar for eliten på fylkeshuset, vil vi i FrP berre minne om at det faktisk også er hundrevis av tilsette i resten av fylkeskommunen som også har behov for å bli tatt vare på.