Sp, Ap, SV, KrF, Venstre og MDG kutta over 30 mill. kr i vidaregåande skular her i fylket, samtidig som utdanningsområdet gjekk aleine med eit overskot på 54 mill. kr, og fylket samla med 313,5 mill. kr i overskot.

Ungdommane her i fylket føler no på resultatet av den aldeles meiningslause «kutt politikken» til Sp, Ap og resten av det politiske fleirtalet her i fylket, som heller prioriterar Opera, Bypakkar, svindyrt unødvendige prosjekt og auka byråkrati, istaden for ungdommen og vidaregåande skuletilbod.

Sp spesielt må ha ein forferdelig dårleg følelse og smak i munnen, då dei gjekk til valg på, og var «garantist» for å ikkje leggje ned skular og satse på distriktstilboda.

Sp og fleirtalet la like godt ned den vidaregåande skulen i Vanylven, kutta kraftig i mange linjetilbod i dei vidaregåande skulane i heile fylket spesielt i distrikta.

Dette medfører at mengder med ungdommar må flytte på hybel, som kunne budd heime dersom politikarane hadde prioritert ungdom framfor finkultur som Opera og andre unødvendige dyre tiltak.

FrP fremma framlegg om ingen kutt i vidaregåande skuletilbod i budsjettprosessen, og har fremma framlegg om dette fleire gongar men har blitt stemt ned av Sp og co gong etter gong.

Kvifor kutte i tilboda til ungdommen med 34 mill. kr, når fylket går med svimlende overskot og distriktsskulane har god kapasitet i linjene som Sp, Ap og co la ned?

Sp sin massive sentraliseringspolitikk her i fylket må stoppast snarast råd, og det er ikkje fyrste gongen Sp seier ein ting i valgkamp og gjer stikk motsatt i realiteten.