Det er direkte «skudd i blinde» av Tryggestad i Sp, og eit grovt forsøk på å forlede både vanlige folk og næringslivet med å framstå som at Sp-ordførarane liksom skal sende brev til si eiga regjering om den alvorlige situasjonen ang statsbudsjett.
Sp og Ap har sjølvsagt i mange, mange månadar forankra sitt statsbudsjettframlegg internt i sitt eige parti.
Såleis har sjølvsagt Tryggestad og alle andre sentrale Sp-politikarar vore klar over innholdet med tidenes skattebombe i statsbudsjettframlegget frå Sp og Ap, og det har dei vore klar over lenge.
Både den kraftige auken på heile 55 milliard kr i skatteauke, kraftig auke i formuesskatten og dei vanvittige grunnrenteskattene på oppdrett og straumproduksjon, har Tryggestad og resten av Sp både medverka til internt, og har sansynlegvis vore klar over i månedsvis.
At Tryggestad framstår no nærmast i sjokk over at konsekvensane av «SP i praksis» for næringslivet kjem for ein dag, framstår rett og slett både pinleg og useriøst.
Det er for seint å snytt seg når nasa er vekk – og det er mindre enn nokre veker sidan Tryggestad i SMP hardnakka forsvarte dei kraftige skatteaukane i statsbudsjett framlegget frå Sp i regjering.
No når konsekvensane kjem klart og tydeleg frå næringslivet som også no stoppar meir enn 600 mill kr i satsing frå Flakk i Stranda kommune og på Hellesylt, oppdagar også Tryggestad sin eigen greinalause politikk i praksis.
Kven skal finansiere offentlig velferd når sosialistane slik som Sp har brukt opp vanlige folk og næringslivet sine pengar.
Verdiar må fyrst skapast av privat næringsliv, før skattar og avgifter kan takast inn på overskot som igjen kan brukast til offentleg velferd.
Sp og Ap regjeringa har levert til Stortinget sitt statsbudsjettframlegg, og endrar sjølvsagt ikkje dette framlegget. Dette framlegget ligg no alt til behandling i komiteene i Stortinget.
Einaste forandringa som sansynlegvis vil skje, er at etter forhandlingane med SV blir det enda meir skatt, enda meir formuesskatt, enda meir grunnrenteskatt og såleis enda meir håplaust for vanlige folk og næringslivet.
Sp i praksis er nok tungt å svelge for Sp-ordførar Tryggestad, men han og resten av Sp må ta ansvaret for det dei sjølve har vore med på i arbeidet med å utarbeide dette greinalause statsbudsjett framlegget frå eiga regjering.
Enda ein gong ser vi Sp i praksis.
