78 millionar kroner har Statens vegvesen urettvis brukt i år til planlegging av Møreaksen, som verken regjering eller andre har prioritert.

Resten av Møre og Romsdal står der med hua i hånda og er vitner til at nokre få har bestemt å bruke mange titals millionar kr, på eit vegprosjekt folket ikkje vil ha.

Kvar kjem desse titals millionar kr frå i Statens vegvesen, og kven har gjeve dei løyve til å forbruke dette når Møreaksen er milevis frå å kunne bli realisert?

Statsbudsjettet frå regjeringa viser dette. Dei 6 store veiprosjekta her i Norge er teke ut og blir ikkje videreført. Dette er prosjekt til samla mange titals milliard kr.

I statsbudsjettet for 2022 blei det sett av midlar til førebuande arbeid for sikre at fleire prosjekt i Nasjonal transportplan 2022-2033 kunne bli klare for anleggsstart. Dette gjaldt:

•  E6 Megården-Mørsvikbotn i Nordland
• E16 Hylland-Slæen i Vestland
• Fellesprosjektet Vossebana/E16 Arna- Stanghelle i Vestland
• E134 Røldal-Seljestad i Vestland
• E134 Saggrenda-Elgsjø i Viken E134 Oslofjordforbindelsen, fase to i Viken.

Med regjeringas budsjettforslag ligg det ikkje an til at nokre av desse vil bli starta opp i 2023. Såleis er det slått fast ein gong for alle at Møreaksen er skubba langt ut i kulden, svært langt og vil ikkje kunne kome i nokon som helst realistisk posisjon på mange tiår fram i tid.

Kven har gjeve Statens vegvesen region Midt løyve til å vere ein «stat i staten» som verken bryr seg om regjeringa eller realisme?

Det er verkeleg på tide at nokon med nødvendig mynde begynner å ettergår Statens vegvesen region midt sin vanvittige pengebruk. 

Møreaksen er og blir skrinlagt, då må resten av Møre og Romsdal snart bli både sett og prioritert. Livsfarlige vegstrekningar med mengder av ulykker må prioriterast.

E39 Veibust–Blindheimstunellen–Moa er døme på eit slikt prosjekt, og mengder med andre viktige vegar her i fylket.

Historia vil vise galskapen ikring Møreaksen, og korleis det var mulig å kaste vekk fleire hundre millionar kr, mange år med planlegging på eit totalt dødfødt prosjekt,

Eit prosjekt folket ikkje ville ha, men som ein «stat i staten» ville gjennomføre likevel !