Heldige er vi her i fylket, som har personar med så høgt kompetansenivå innan samferdsel slik som Møreaksen-klanen.
Når vart E39 og ideen ikring ferjefri E39 som ein lokalveg for nokre få ut på øyane og til Molde?
Ferjefri E39 vart lansert som raskaste veg mellom Kristiansand og Trondheim og ferjefritt var målet.
Sitat: «Målet er å skape en utbedret og ferjefri E39, noe som vil halvere reisetiden på hele strekningen.»
Står klart i målsettinga for prosjektet.
Korleis det henger ihop med å liksom sveipe innom øyer og holmer, gjennom byar og lage unødvendige svindyre omvegar, er for meg og andre ei stor gåte.
Spesielt den «flinkaste» samferdselseksperten i Møreaksen-klanen meiner altså no at flesteparten som reiser over Romsdalsfjorden ikkje skal vidare nordover i fylket, eller til Trondheim.
«Dersom Møreaksen altså er kun ein lokalveg, kvifor prioritere dette som stamveg?»
Enda større grunn til å skrote Møreaksen ein gong for alle, rett nok skjer dette uansett då dagens regjering ser ut til å stoppe det meste av vegbygging generelt.
Siste NTP vart heller ikkje vedteken, men berre lagt ved protokollen i Stortinget. Ellers fungerer Stortinget slik at det kun er eit års budsjett av gongen som vert vedteke.
«Møreaksen er verken vedteken, vedteke finansiert eller på nokon måte i posisjon til å kunne bli dette på lang, lang tid i Stortinget»
Møre og Romsdal fylke har mengder med andre viktige vegprosjekt som ivertfall eg og FrP meiner er svært viktige.
Eksportvegen frå Ålesund til Bjorli er pri 1. Tresfjordbrua til Bjorli tar Nye Veier as seg av, men Ålesund til Tresfjordbrua må prioriterast fyrst og byggjast som rask firefeltsveg.
Det same gjelder RV 15 Strynefjellet, ein svært viktig næringsveg som bør prioriterast raskt.
Den andre viktige «Eksportvegen» er FV 64 Molde til Åndalsnes. På denne strekninga går det meste av næringstrafikk frå Moldeområdet og frå Nordmøre ut og inn av fylket via E-136 Romsdalen.
Såleis er Langfjordkryssinga svært viktig å få sett igang raskast råd.
RV 70 er livsnerven i Nordmøre der mange flaskehalser står igjen å få utbedra heilt frå innfartsvegen til Kristiansund og til Oppdal.
Fjordkryssing slik som Todalsfjordkryssinga er viktig å få realisert og knyter ihop indre Nordmørsregionen på ein god måte.
På Sunnmøre er der mange viktige vegsamband som må prioriterast raskt.
Viktigaste er nok E39 Veibust/Blindheim–Breivika, som pr dato ligg langt over maxtaket på trafikk som er 20.000 bilar i døgnet.
Dette området er også av dei mest ulykkesbelasta vegsambandet vi har i fylket.
Alle forstår at dette prosjektet er på ein anna planet av viktighet enn til dømes Møreaksen.
Lenger sør har vi både Rovdefjordbrua, Sande Fastlandsamban, i tillegg til Storfjordsambandet og HAFAST, som alle er prosjekt av langt større viktighet enn Møreaksen. Desse prosjekta er heller ikkje berre ein «lokalveg» slik Møreaksen faktisk framstår av sine tilhengarar.
E39 frå Kvivsvegen til Festøya er også begredelige greier og utbetring på mange strekninger må gjennomførast. Voldatunellen også utan bompengar.
Det er altså ei «lett oppgåve» å finne gryteklare vegprosjekt her i fylket å kunne prioritere.
Så har vi med andre ord god tid til å utgreie og planlegge Romsdalsaksen, på den beste og billigaste måten. Opp på sjøen, ikkje 3-400 m under fjorden.
Møreaksen har ikkje fått ei krone, og NTP er ikkje vedteken men lagt ved protokollen. Såleis er det framtidige statsbudsjett ein kan kjempe for midlar til alle vegprosjekta her i fylket.
Men, fortsatt utan ei krone til Møreaksen, som sjølvsagt heller ikkje får ei krone i framtida heller.
